عيد الحب: الإحتفال مع العائلة
كلنا تعودنا على ان عيد الحب يحتفل به فقط مع الحبيب أو الشريك، و لكن واش عمركم فكرتو فأنكم تحتافلوا بالحب مع عائلتكم؟ في حالة ما إذا كنتو عندكم وليدات، حاولوا على الأقل أنكم تتقاسمو وقيت من ذلك اليوم معهم. جبنا لكم 10 طرق للإحتفال بعيد الحب مع العائلة.
خلي لهم كليمة زوينة فالحقيبة ديالهم
هاد الطريقة يمكن تعتامدوها مع الأطفال و حتى مع الشريك أو الشريكة ديالكم، فأكيد غادي تكون مفاجأة زوينة لهم خاصة إذا كنتوا كاتقضيوا اليوم بعاد على بعضياتكى و كاتلاقاوا حتال المساء.
حضروا الطعام جميعًا
تحضير الطعام بمساعدة وليداتك أمر ممتع جدًا، ولو يكونوا صغار في السن ممكن يبقاو غير كايحركو الصلصة مرة مرة أو يحطوا الأواني فوق المائدة. ديري للأسرة ديالك كاملة باش يشاركوا معك في تحضير الوجبة لي كاتجتامعو فيها و خليو لبعضكم ذكريات زوينة في أذهانكم.
إبتكروا أشياء رمزية و ممتعة تحضيرًا لهذه المناسبة
كاين بزاف ديال الأنشطة لي ممكن تقومو بها مع وليداتكم للإحتفال بعيد الحب، هادو لي غادي نقتارحوا عليكم هما المفضلين عندنا:
- صباغة شكل القلب باستعمال كويرات ديال القطن
- شجرة الحب
- عِقد أو سنيسلة ديال الحب
- تحويل الأكياس الورقية لشكل قلب
تبادلوا بطاقات أو رسائل التهنئة مع أفراد الأسرة
و هاد القضية ممتعة جدًا إذا درتوها مع العائلة. يمكن تلقاوا هاد البطاقات في المكتبات أو المحلات التجارية الكبرى إذا بغيتوا تربحوا الوقت، كيف يمكن لكم تطبعوا هاد البطاقات من هاد الموقع.
سهرة عائلية خاصة باللعب و الترفيه
سهرة ترفيهية مع العائلة هي من أفضل الطرق لي ممكن تدوزوا بيها عيد الحب! ممكن تلعبوا بالألعاب الإلكترونية باش تنوعوا و الأمسية تولي ممتعة أكثر ليكم و لوليداتكم.
هادو بعض الألعاب المفضلة عندنا:
– Blokus
– Qwirkle
– Séquence
– La tour infernale
خصصوا وقيت مميز و خاص لكل فرد من العائلة
حاولوا تقضيوا وقت خاص مع كل فرد من عائلتكم، غير بوحدكم و لا ثالث لكما. فكرة جدًا مميزة و أكيد غادي تعجبكم!
الإعتراف بالحب لكل واحد من عائلتكم
هذا أيضًا يعتبر نشاط زوين لقضاء الوقت مجموعين، و الإعتراف لبعضياتنا بالحب و بالأشياء لي كانبغيوا عند بعضياتنا. جلسوا بشكل حلقي أو دائري و عطيوا الفرصة لكل واحد فيكم يعبر عن حبه للآخرين.
صنع زينة و ديكورات معًا
قلبوا في مواقع الأنترنيت عن أفكار تزيين البيت بعيد الحب. يمكن لكم تستعملوا الورق و الأشياء البسيطة المتواجدة في كل بيت لصنع الديكورات.
تحضير التحليات المفضلة معًا
هنا حاولوا تطلبوا لوليداتكم يوجدوا لكم التحلية المفضلة ديالكم أو إذا كانوا صغار بزاف، جيبوهوم فقط يعاونوكم في التحضير.
مشاهدة فيلم معًا
كاين بزاف ديال أفلام كايحكيو قصص حب رائعة و ملائمة لسن أطفالكم ممكن تقضيوا السهرة و أنتم كاتفرجوا. ساندريلا، رابونزيل أو الجميلة و الوحش… رائعين في مثل هذه المناسبة.
عيد الحب أو الفالانتاين فرصة زوينة ممكن نستاغلوها لقضاء الوقت مع الأسرة ديالنا. إذا تبعتوا الخطوات و الأفكار لي اقترحنا عليكم فغادي تقدروا تنظموا يوم رائع لي غادي يعجب الكبير و الصغير.