الأنشطة الترفيهية المجانية بالدار البيضاء

كلنا كانعرفو أن الوليدات الصغار كايقنطو و كايحتاجو للخروج و تغيير الجو. صحيح أننا موفرين لهم بزاف ديال الألعاب في البيت ولكن الطفل مايمكنش يبقا محبوس طوال الوقت في البيت. و في نفس الوقت ماكانكرهوش، حنا الآباء، أن الخرجة ماتكونش مكلفة. ابشروا! الأنشطة المجانية بالدار البيضاء و Graine de vie جات تهضر لكم عليهم.

الأنشطة المجانية الأكثر شهرة في الدار البيضاء: الشاطىء و الكورنيش

يا لحظكم يا سكان الدار البيضاء! عندكم البحر و الشاطىء و كورنيش طويلة. ممكن قضاء الوقت في هذه الأماكن، أو إذا بغيتوا تخرجوا شوية على الدار البيضاء، فكاين دار بوعزة لي هي أيضًا مكان رائع.

• الشاطئ و رماله الذهبية: شاطىء لالة مريم (أمام المركز التجاري أنفا بلاس)، شاطىء عين الذياب الغني عن التعريف، شاطىء شوال (مباشرة بعد المركز التجاري موروكو مول)،شواطىء دار بوعزة لي خارجة شوية على الدار البيضاء بالنسبة للناس لي كايقلبوا على العزلة.

         بغض النظر عن السباحة في البحر لي هي قصة أخرى برفقة الأطفال، فممكن نستمتعوا فقط بالرمال. الأطفال ممكن يقضيو ساعات و هم كايلعبوا بالرملة، كايحفرو و يصايبوا أشكال و أهرام،كايتخايلوها عجينة و يحضرو بها حلويات وهمية، يجبدوا منها المحار …

• الكورنيش للنزهة: كاتستافدوا من البحر و الجو ديالو بدون ما يقيسو ليوايدات الرملة و تولي كاتنظفي عوض الإستمتاع. ممكن تقوموا بالجري أو المشي أو ركوب الدراجة برفقة الأطفال الأكبر سنًا ، و الصغار في العربة ديالهم.

حصص الرياضة المجانية

هنا الإختيار كبير عندكم أيضًا:

• ألواح التزلج، الأحذية ذات عجلات و الدراجات الهوائية: 

ممكن اللعب بهم في الكورنيش أيضًا أو في الباحات المخصصة لهم في المدينة مثل: ساحة التزحلق الراشيدي لي كايتواجد في تقاطع شارع الراشيدي و شارع الحسن الثاني، و ساحة أنفا بارك الموجود داخل المنتزه.

• كرة السلة و رياضات الكرة الأخرى

حديقة الجامعة العربية تتوفر على ملاعب كرة السلة و كرة القدم، خاصكم غير تمشيو شوية بكري حيت بسرعة كايعمرو. ممكن تستافدو من الفضاءات الأخرى للعب كرة المضرب أو تنس الريشة. الكرة ممنوعة خارج الفضاءات المخصصة لها، لكن يسمح للأصغر سنًا باللعب في المساحات الخضراء بكرات صغيرة بالقرب من والديهم، الهدف من وراء هذا المنع هو ضمان راحة و متعة الجميع في الحديقة.