الحمل و الصيام
نقدرو نقولو لكم أنه مازال ماكاينش دراسات و أبحاث تشير إلى أن الصيام ما عندوش تأثير على وزن و حجم الجنين عند الولادة، و مازال ما كاين شي إثبات على كيفاش الصيام ممكن يأثر على المرأة الحامل أو على الجنين. فلهذا الأخصائيين كاينصحو السيدات الحوامل بعدم الصوم.
كلنا كانعرفو أنه في حالة ما كانت السيدة مصابة بمرض السكري المزمن أو السكري ديال الحمل فالصوم ننكن يشكل لها خطر، و هادشي راجع لكون الصوم ممكن يأثر على مستوى السكر في الدم. و هاد التغيرات ديال مستوى السكري لي كاتحدث في جسم المرأة الحامل مع الصوم و الإفطار كايجعل من الصيام أمر غير منصوح به أبدًا في تلك الفترة.
ماتنسايش سيدتي أنه من المنظور الديني، الإسلام لا يفرض عليك أبدًا الصيام و كايرخص ليك أنك تفطريه و ترديه فأيام أخرى.
و إذا كنتي تالفة و ما كاتحسيش براسك مزيان و مبرزطة مع صحتك و صحة جنينك، لا تترددي في الإستشارة مع الطبيب ديالك أو السيدة لي غادي تولدك و ديري فحص عام للحالة ديالك الصحية قبل ما تاخدي أي قرار.
و طبعًا قرار الصوم أو لا خلال فترة الحمل كايبقى أمر شخصي و أنت حرة في القرار، غير هو خاصك تاخذي بعين الإعتبار الحالة ديالك الصحية و تطور الحمل و الإحساس ديالك طبعًا.
شنو كاتقول الدراسات على الصيام خلال الحمل
الأبحاث و الدراسات لي دارت لحد الآن على الصيام خلال الحمل، بينت أنه عنده تأثير جد ضعيف أو منعدم على الرضع حديثي الولادة. إلاّ أن بعض السيدات في هذه الفترة ممكن يحسو بالعطش و الكسل و كايفقدو النشاط ديالهم. إليك ما تقوله الدراسات إلى حد الساعة:
- طفلك ما غاديش يتزاد قبل الوقت ديالو، و اليام ما غادي يكون عندو حتى شي تأثير على الوزن ديالو عند الولادة
- ممكن تحسو بالفشل و الكسل خلال النهار و هذا أمر طبيعي
- الصوم خلال الثلث الثاني من الحمل ممكن يقلل من احتمال الإصابة ديالك بالسكري المتعلق بالحمل و يعاونك أنك ما تزيديش فالوزن بزاف.
في أي حالة الصيام كايكون ممكن؟
الصيام كايكون ممكن في فترة الحمل إذا السيدة كان الوزن ديالها مناسب و متبعة مظام غذائي متوازن و قادرة على تحمل الصوم. إذا كان أيضًا الجنين غادي يكتفي بالمواد الغذائية المتوفرة عندك و مامحتاجش لمواد أخرى. و طبعًا إذا كان الجسم ديالك في صحة جيدة و مخزون الطاقة عنده كافي فهنا الصيام غادي يكون عنده تأثير خفيف بزاف على السيدات.
تأقلم الجسم مع الصيام متعلق أيضًا ب:
- الحالة الصحية ديالك العامة قبل الحمل
- الشهر ديال الحمل لي وصلتي ليه
- ساعات الصيام خلال اليوم. فكيفما كانعرفو مدة الصوم تتراوح بين 12 و 18 ساعة على حساب الفصل لي كايجي فيه شهر رمضان. الصيام في أشهر الصيف عادة ما كايكون أصعب من الخريف بحكم الساعات الطوال و الحرارة المرتفعة.