الوقاية من ظهور علامات التمدد خلال فترة الحمل
علامات التمدد و ما أدراك ما هاد العلامات. بها كايعبر الجسم ديالك على نفسو و الحالة لي كايدوز منها و تقدر تظهر فمختلف المراحل بدون سابق إنذار. كاين بعض الحيل و الطرق للوقاية من ظهور هاد أثارالتمدد و لكن مانساوش أنها ماشي وصفات سحرية، فيمكن تظهر العلامات واخا درنا جميع الإحتياطات و التدابير. بذرة الحياة جات تشارك معاك بعض الحيل لي يمكن تطبقيها في فترة الحمل لتفادي أو التقليل منظهور علامات التمدد.
الحيل لي يمكن ديريهم لمنع ظهور العلامات أو التقليل منها
- ترطيب البشرة و تدليكها: ماكاينش طبعًا كريم أو محلول سحري خاص بهاد الأمر، و لكن السر كاين في عملية الدلك حسب الأطباء، لي كاتساعد في استرخاء العضلات و ماتحمي الجلد من التمزقات.
- مراقبة الوزن الزائد: حاولي أنك تنتابهي لنفسك و للكيلوغرامات لي غادي تزيدي في فترة الحمل، ماتنسايش راسك بزاف في ما يشتهيه بطنك من شهيوات و تزادي في الوزن بشكل غير طبيعي.
- التروية الداخلية: حاولي تلتازمي بشرب 2 لتر من الماء خلال اليوم و حافظي على تغذية متوازنة لتزويد جسمك بالفيتامينات أ،ج و ه لي مهمين للجلد ديالك.
واش كاين شي وصفة فعالة لمنع ظهور علامات التمدد؟
الأبحاث لي دارت بخصوص هاد الموضوع بينات أنه ماكاين حتى مكون أو وصفة أو منتوج ماكايمنع ظهور علامات التمدد، لا زبدة الكاريتي لا زيت اللوز الحلو لا مستحضرات في المحلات التجارية. التدليكفقط لي كايعمل على رخي الطبقة الجلدية و تفادي تمزقها و كايبقا هادشي طبعًا غير مضمون 100% و كايختالف من جسم لآخر.
يعني إذا صادفتي شي سيدة من المحيط ديالك أو قريبة ليك تشهد لك أنها واظبت على ذهن الكريم السحري طيلة مدة الحمل و النتيجة كانت هي: و لا علامة تمدد وحدة، تأكدي سيدتي أنها غير صدفة أو أن أصلاطبيعة جلدها و عضلاتها عاوناتها.
فهنا سيدتي ندعوك لاعتماد الدلك طيلة مدة الحمل (فرصة أنك تخدّمي زوجك أيضًا) بكريم أو زيت يكفي يكونو لا يشكلون خطر على الجنين.
علامات التمدد ظهروا: ما الحل؟
إذا ظهروا العلامات فمع الأسف ماكاينش شي طريقة تتبعيها أو شي حاجة ديريها تقدر تحيدهم. فغادي يعيشو معاك دائما و غادي يمكن فقط أنهم يخفافو و مايبقاوش حمرين بعد الولادة. فاش كايوليو العلاماتبيضين هادشي كايعني أنهم قدام و ماعليك إلا تقبلي راسك بيهم. هادشي ماكايمنعش استعمال الكريمات ضد علامات التمدد و لي كايتباعو غاليين، و لكن راه لا نتيجة لهم.
أجي نشوفو قصة ظهور هاد العلامات و نحاولو نظروا ليهم من الزاوية المشرقة، و لي هي أنهم دليل على حملك و إعطائك للحياة. غادي دائما يرافقوك و يذكروك بمعجزة الحياة لي عطيتي و نظرة وحدة فيوليداتك غادي تنسيك فيهم.