حقيبة الولادة
عادة الذهاب للمستشفى من أجل الولادة كايكون مفاجئ و الإلتحاق خاص يكون سريع، إذًا من الأفضل أن الحقيبة الخاصة بيك و بأغراضك تكون واجدة مسبقًا.
خلال التسع شهور ديال الحمل كاتكوني طبعًا فكرتي فغرفة المولود القادم و الآثاث لي غادي ديري فيها، فكرتي فالأدوات الخاصة بالعناية بالرضيع.. و لكن ماخاصكش تنساي الحقيبة ديالك لي غادي ترافقك خلال أيامك في المستشفى و لي يمكن ليك تجمعي فيها كل ما ستحتاجينه من ملابس و أدوات.
حقيبة الولادة: متى يستوجب علي تحضيرها؟
لاداعي أنك تشغلي بالك بيها من الشهور الأولى و لكن ماتنسايش أنه احتمال الولادة المبكرة دائمًا كاين، إذًا حاولي توجديها إبتداءً من الشهر السابع. كيفما كانعرفو جميع، كاين شي وليدات ماكايصبروش وكايبغيو يخرجو يشوفو والديهم بكري، أو كايصعاب عليهم لأسباب صحية إكمال التسع شهور في البطن.
كيفاش يمكن لي نحضر هاد الحقيبة ؟
- كتبي لائحة ديال المستلزمات باش ماتنساي حتى حاجة
- طلبي المساعدة ديال الزوج ديالك أو صديقاتك
- وجدي زوج ديال الحقائب: وحدة خاصة بيوم الولادة و وحدة للأيام لي غادي دوزيها في المستشفى
- حاولي أنك تحطي أغراضك في الحقيبة بالنظام باش تلقايهم بسهولة يوم الولادة
- تأكدي أن كل ما كاتوجديه من ملابس يكون صالح للفصل لي انت فيه
- يمكن لك تسولي الممرضات أو المساعدات لي فالمستشفى بخصوص الأغراض لي كايوفروها للمرأة و الرضيع
شنو خاصني نجمع في حقيبة الولادة ؟
في حالة الولادة الطبيعية، كاتبقاي في المستشفى 2 أيام. و لكن إذا ولدتي بعملية قيصرية فكاين احتمال أنك تبقاي مدة أطول.
بالنسبة ليك أنت الأم في يوم الولادة:
- جوارب دافئين
- ملابس مريحة و فضفاضة
- بخاخ ماء للإنتعاش
- لائحة الأغاني المفضلة أو قصة للإنشغال وقت العملية
بالنسبة ليك أنت الأم و لكن دابا بعد الولادة:
- فوطات صحية خاصة بالولادة، لأنك غادي تفقدي الكثير من الدم بعد الولادة و الفوطات الصحية العادية لن تصلح لك
- ملابس داخلية أحادية الإستعمال صالحة لمدة النفاس
- حمالات الصدر خاصة بالرضاعة
- ضمادات الرضاعة
- كريم لألم الحلمات
- الآلة لي غادي تساعدك في سحب الحليب
- بيجامات مفتوحين شوية من الصدر باش الرضاعة تكون سهلة
- رداء دافئ إذا اقتضى الحال
- جوارب دافئة و حذاء مريح
- الحقيبة الخاصة بالحمام و العناية بنظافتك (صابون، فرشات و معجون الأسنان، مزيل العرق أو عطر، مشط للشعر و بعض مستحضرات التجميل إن كنت تستعملينها)
- فوطة للإستحمام
- بدلة مريحة ليوم الخروج من المستشفى
بالنسبة للمولود الجديد:
- حفاضات للرضع الجدد
- مناديل خاصة بالرضع بدون كحول
- كريم لتغيير الحفاضات
- مصل فيزيولوجي
- فوطات صغيرة للمسح
- فوطة للإستحمام
- رضاعة إذا اقتضى الحال
- المرايل (الرياكات) الخاصين بالرضاعة
- ملابس داخلية بالأكمام أو بدون حسب الفصل
- بدلات متنوعة للنهار
- سترات دافئة إذا كان الجو بارد
- قبعة قطنية للأماكن الداخلية و أخرى ساخنة لحمايته من البرد عند الخروج من المستشفى
- قفازات صغيرة لأيدي الطفل
- غشاء دافئ للنوم ليلًا
- السرير المتنقل المسمى بالعش لحمل الرضيع
أوراق إدارية و شخصية مهمة:
- البطاقة الوطنية
- أوراق التغطية الصحية و التأمين
- الملف الطبي الخاص بك و لي فيه جميع الفحوصات ديالك من نهار اكتشاف الحمل
- دفتر الحالة المدنية
هاد التحضير غادي يعاونك بزاف في الإستعداد النفسي و العقلي لاستقبال طفلك.