حمام الطفل: السر في التنظيم
حمام الطفل كايستدعي من الآباء القليل من النظام. بغض النظر عن التعب الذي يليه، و لكن كايبقى حمام الطفل متعة لا توصف للأبوين. كيفاش ننظم الوقت ديال هاد الحمام؟ شحال من مرة في الأسبوع؟ في الصباحأو المساء؟ بذرة الحياة جات توضح ليك.
حمام الطفل: شحال من مرة فالأسبوع؟
الرائحة الزكية لي كاتشمي فطفلك بعد الإستحمام كاتعجبك؟ رائع! و لكن هدا ماشي سبب يخليك تحمميه كل يوم.
- حمام كل يومين أو ثلاث أيام كافي جدًا بالنسبة للرضيع في عمر صغير
- تنظيف يومي بكيس رطب و مبلل قليلًا فقط لمسح العنق مثلا لي كايقدر يكون فيه بعض قطرات الحليب
- التنظيف عند كل تغيير للحفاظة و هذا أمر مفروغ منه
الاستعداد و التهيء للحمام
ربما يبان لكم الأمر يتطلب تنظيم كثير و لكن راه لصالحكم. الحمام المنظم مسبقًا كايعفيكم من جهد كبير خلال و بعد حصة الإستحمام و كايسمح لكم بالإستمتاع أكثر مع طفلكم.
- تدفئة الغرفة لي غادي يكون فيها حمام الطفل سواء كان الحمام أو غرفة الطفل، لأن إذا كان الجو بارد فالمتعة المبحوث عنها ممكن تنقلب إلى عذاب ليه و لكم
- تحضير كل المعدات بالقرب منا: صابون، شامبو، كيس، فوطة، حفاظة، ملابس..
- طلب المساعدة إذا اقتضى الحال و لا بأس في ذلك، خاصة إذا كنتي متعبة أو لم تصحي بعد من مور الولادة. ممكن يساعدك الزوج ديالك، الجدة أو الجد أو المساعدة المنزلية مثلًا
و القاعدة التي لا تسقط أبدًا: ما عمرك تخلي الطفل لوحده في الحمام و لو لثانية.
الوقت المناسب للحمام: الصباح أم المساء؟
عادة ننصح باستحمام الطفل مباشرة قبل النوم، لأنه كايساعدو على الإسترخاء و النوم بسرعة. في الأسابيع الأولى بعد الولادة، غادي تتعرفي أكثر على طفلك و تعرفي فأي وقت كايفضل الإستحمام، واش فيالصباح أم في الليل أم وسط النهار قبل أو بعد القيلولة. وليداتنا مختالفين و حتى نمط العيش ديالنا يختلف فنتأقلم مع الظروف ديالنا قدر الإمكان.
الوقت المناسب للحمام كايبقى نسبي و يختلف مع اختلاف الأطفال، الوقت الوحيد لي كلشي لازم يتفاداه هو مباشرة بعد الأكل. هاد الوقت كايكون ديال هضم الطعام، فمن الأفضل نخليوه يدوز لتفادي مشاكل الهضممستقبلًا.
بالنسبة لشروط السلامة خلال حمام الطفل، زوروا المقال التالي.