شهرين من حياة الرضيع
بعدما كاندوزو الشهر الأول مع مولودنا الجديد بلحظاتو الزوينة و لياليه الصعبة، كانمرو لمرحلة أخرى. الرضيع ذو الشهرين من عمره بدأ في الإتصال بمحيطه، فهنا أعزائي الآباء دوركم كبير بزاف في تأطير هذه المرحلة من النمو.
شهرين من حياة الرضيع :
- التنمية العاطفية و الإجتماعية :
بعدما تعودنا في الشهر الأول على بعض الأصوات كالبكاء و الصراخ و الهديل كالحمام في أوقات النشاط، يبدأ الرضيع في إظهار مشاعر حقيقية. بين الغضب و الفرح و الخوف، كايبداو الآباء في فهم ردود أفعال أطفالهم في مختلف الوضعيات. فمثلا كايعبر عن فرحته بحركات نشيطة فاش كايشوف أشخاص معينين، كايتبع بعينيه أي حاجة كاتحرك حداه في الغرفة بشكل متناغم و إلى غير ذلك من التصرفات.
إذا صح التعبير، فالرضيع كايولي عندو مزاج خاص به و صلته مع المحيط الخارجي تصبح أقوى!
فباش نضمنو تطور سليم للنمو ديال الطفل يجب الإعتماد على لغة سهلة بينكم كاتمكنكم من التواصل بشكل صحيح. فهنا كانتكلمو على التواصل و انت كاتمارسي نشاطاتك اليومية معه كتغيير الحفاظات أو التحضير للرضاعة، هادو هما الأوقات المناسبة فين يمكن ليك تحاوري معه أو تعاودي ليه شي قصة أو حتى تغني ليه. فاعلمي أن طفلك غادي يتجاوب معك بكل نشاط، و سيتأقلم مع ما يدور به مع تكرار هذه العادات كل يوم طبعًا .
- المهارات الحركية الدقيقة و الشاملة
حركات طفلك ماشي كلها فطرية، فبعض الحركات كايتعلمها حسب الوضعية كمحاولة الإمساك بالأشياء بيده مثلًا.
فبما أن المهارات ديالو الحركية الدقيقة و الشاملة مازال ماتطورو، فيمكن ليك مساعدته على ذلك : اعطيه صبعك و خليه يشدو مثلًا، فهذا غادي يخليه يفتح يديه الي عادة ما تكون مسدودة، تحريك جسم به ألوان جذابة تثير انتباهه غادي يتبعو بعينه و غايحاول الإمساك به. يمكنك أيضًا أن تضعي بين يديه أشياء بمواد مختلفة باش ينشط حواسه و يتعرف على الأشياء باللمس.
مانساوش أن في هذه المرحلة الرضيع كايقوم بمجهودات كبيرة باش يحرك سائر جسمه. يحرك ذراعيه و ساقيه و كايبدأ في تغيير وضعه مرة على الظهر و مرة على جوانبه بوحدو، و هذا كايمكنو من التعرف على محيطه و رؤيته من زوايا مختلفة. يمكنك مساعدته على الحركة بطرق مختلفة، فيمكنك فقط الإستلقاء بجانبه و تهضري معه أو تغني ليه فهو مباشرة غادي يبدأ يقلب عليك و على مصدر الصوت و غادي يحرك جسمه كامل و عنقه خاصة باش يشوفك.
يوم بعد يوم، طفلك غادي يضبط حركاتو و يتعود عليهم، و هنا غادي تبدا المتعة عندكم بثلاثة. هو غادي ينشط أكثر لأنه يتحكم في جسمه و كايحركه بسلاسة، و نتوما كآباء ستتلذذون و نتوما كاتشوفو ولدكم ينمو و يتطور بشكل صحيح و سليم.