طلب جواز السفر للأطفال
كاتفكر تسافر خارج البلاد برفقة الأسرة ديالك؟ طبعًا غادي تحتاج جواز السفر لطفلك أيضًا و لي خاصك دير واحد الإجراءات معينة لطلبه.
المعلومات كاملة متواجدة فالموقع الرسمي passport.ma/ar، و لكن بذرة الحياة كاتفضل تشرح ليك الخطوات لي خاصك تبعها بالتفصيل.
جواز السفر المغربي
الجواز المغربي من حق أي مواطن مغربي يطلبوا و ياخذوا إلاّ إذا كان شي اعتراض من طرف القانون لأسباب معينة. أما بالنسبة للطفل القاصر، فالوالي الشرعي ديالو هو لي كايتكلف ليه بالطلب في حضرته طبعًا.
شكون ممكن يكون الوالي الشرعي في المغرب:
- الأب
- الأم في حالة وفاة الأب. حتى في حالة الطلاق و حصول الأم على الحضانة لا تعطاها حق الولاية الشرعية على الأطفال. موافقة الأب لي كايبقى الوالي الشرعي ديال الأطفال، كاتبقى ضرورية. في حالة رفض الأب، القاضي هو لي كايحكم في هاد الوضعية و كايعطي القرار واش الطفل ياخذو أو لا.
- شخص آخر تعطاه وكالة من طرف الرالي الشرعي، مثلًا الأم في حالة عجز الأب عن القيام بالإجراءات. في هذه الحالة الوالي الشرعي لازم يحرر وكالة للشخص لي غادي يتولى الأمر من بعده
جواز السفر للقاصر يبنى على أساس:
- البطاقة الوطنية إذا كان سن القاصر بين 12 و 18 سنة و لي حتى هي تتطلب إجراءات للحصول عليها
- عقد الإزدياد إذا كان عمر القاصر أقل من 12 سنة
فين و فأي وقت ممكن نطلب جواز السفر للطفل ديالي؟
تقديم طلب جواز السفر كانديروه فالملحقة الإدارية أو القيادة التابعة لعنوان السكن ديالكم.
المدة المقدرة ليكون جواز السفر ديالكم جاهز هي بين 6 و 12 يوم. خليوا قدامكم مدة الأمان ديال 20 يوم على الأقل قبل تاريخ السفر، و إذا كانت الرحلة كاتستدعي طلب التأشيرة فلازم تخليوا مدة أطول.
الوثائق اللازمة لتقديم الطلب
يمكن لكم زيارة الموقع الخاص لي غادي يقدم لكم الائحة كاملة للوثائق اللازمة.
مراحل طلب جواز السفر للقاصر الأقل من 12 سنة
- شراء الطابع البريدي الإلكتروني على الموقع etf.tax.gov.ma
- ملء الإستمارة الإلكترونية على الموقع https://www.passeport.ma/
FormDemande/FormDemande و طبعها - جمع الوثائق الأخرى اللازمة
- تقديم الطلب لذا المصالح الخاصة بالأمر: و هنا وجود القاصر مع الوالي الشرعي ديالو ضرورية
- تتبع الطلب على الموقع الرسمي passport.ma بمساعدة رقم الملف لي غادي يكون في التوصيل لي كايأكدوا لك به استلام الطلب يوم تقديمه. و بعد ذلك غادي تتوصل برسالة نصية أوبريد إلكتروني غادي يخبروك فيه بلي الجواز ديالك جاهز للإستلام.
- استلام الجواز في مدة شهرين مغلقة و إذا لم يتم استلامه من المعني بالأمر يتم استرجاعه و حذفه كليًا. فاش تاخد جواز السفر، أول حاجة تقوم بها هي مراقبة صحة المعلومات المكتوبة فيه و فحالة أي خطأ يجب إخبارهم مباشرة.