مرحلة ما بعد الولادة و أهمية الاعتناء بالذات

بعد الولادة، كايولي المولود الجديد هو أول اهتماماتك، و لكن، ديري فبالك أنه ما خاصكش تنساي جسدك و روحك لي عطاو الحياة لداك المولود. كيفما مانعرفو كاملين، فأم سعيدة و مرتاحة كاتخلق من أطفالها كائنات سعيدة و مرتاحة. فلهذا قررنا نخصصو هذا المقال للأمهات و كيفاش يعتانيو بنفسهم في مرحلة ما بعد الولادة.

الراحة مهمة جدًا ليك :

تقدري تكوني سمعتي هده الجملة مرات عديدة و لكن سمحي لي نعاود نذكرك بيها: حاولي تنعي مني الرضيع ديالك ينعس أيضًا. الأشغال المنزلية كلها يمكن ليها تنتظر، لا تكلفي نفسك أكثر من طاقتك. طلبي المساعدة من الناس لي ضايرين بيك، يحاول الزوج ديالك أنه يتناوب معاك في القيام بالأشغال و خصصي لنفسك ساعات منالنوم خلال اليوم. فهاذشي غادي يمكنك من استرجاع البعض من طاقتك و بالتالي تتحملي استيقاظ الرضيع في الليل كل 2/3 الساعات.

نظام غدائي متكامل و سليم :

الجسم ديالنا محتاج للوقت من اجل استرجاع العافية ديالو لأنه بسبب الولادة فهو يعرف تغيرات كبيرة. فالتغذية المتوازنة و السليمة كاتلعب هنا دور كبير في مساعدة الجسم على تحمل التعب و الإرهاق و السهر لي كايكونو في الشهور الأولى.

الأطباق لي نركزو عليهم لازم يكونو خفاف و سهلين في التحضير، متكامليم و متوازنين. كايجمعو بين بروتينات و كربوهيدرات و خضروات لتغطية كافة حاجيات الأم وتعويض النقص لي كايعرفو الجسم ديالها في هذه الفترة.

تمارين سهلة :

الحركة! حاولي تخصصي ليك أوقات للخرجات مع طفلك لأنها ذات منفعة متبادلة. فأنت تتقومي بتحريك الجسم ديالك بفضل المشي و الرضيع كايبدا يتعرف على أوساط خارجية جديدة عليه. حاولي تحركي جسمك قدر المستطاع طبعًا، فبعض التمارين البسيطة لعضلاتك غادي يكون ليهم فضل كبير في تجديد طاقتك.

من الضروري عيادة الطبيب و الإستشارة معه قبل إستئناف نشاطك البدني، و لا تستهيني أبدًا بترويض منطقة العجان و البطن لأنها مهمة جدًا ليك.

حيل أخرى :

مرحلة ما بعد الولادة يمكن ليها تمر بسلام و بدون أضرار إلا فقط احرصتي على أنه يكون عندك واحد الدعم معنوي و نفسي لذاتك. خذي آراء بعض الآباء لي سبقوك فيالتجربة، شاركي معاهم أفكارك و يبادلوك التجارب بدون ما يحكمو عليك. اعلمي أن المناقشة و التشاور بخصوص هذه التجربة لي جديدة عليك فهو مفيد ليك. تفاداي حمل الأشياء الثقيلة خاصة في حالة الولادة القيصرية، اكتفي فقط بحمل طفلك فذلك كافي. و نذكرك بلي الجسم ديالك خاصو يحافظ على الرطوبة ديالو فأكثري منشرب السوائل عامة و الماء خاصة.