التبني عن طريق الكفالة
قلبتو هنا و هنا و بحثتوا و قررتوا أخيرًا رعاية طفل عن طريق الكفالة، و لي كانسميوه عاميًا “التبني”. و لي كاتعطيك الحق أنك تكون ولي أمر داك الطفل إلى أن يبلغ سن الرشد. يمكن يجيكم هاد الأمر شبيه بالتبني العادي لي كانعرفوه جميع (التفاصيل غادي تلقاوها فالمقال الخاص بالتبني عن طريق الكفالة). القانون رقم 01-15 من شهر يونيو 2002 ديال المدونة (قانون الأسرة) يفصّل جيدًا عملية الكفالة و لي كانصحوكوم تقراوه بتمعن. بذرة الحياة جات تعطيكم النقط الأساسية و الأسطر العريضة لي خاصكم تعرفو (مقتبسة من نصوص قانونية).
عملية التبني عن طريق الكفالة
- الشخص المقبل على الكفالة كايقدم طلب إلى قاضي الوصاية المختص و هو ملزم أيضًا بالإدلاء ب:
- استمارة تدل على أن كل الشروط متوفرة فيك
- نسخة من عقد ازدياد الطفل الذي تريد التكفل به
- قاضي الوصاية كايدير البحث ديالو المعمق عليك أنت كمقدم لطلب الكفالة باش يتأكد من سلامتك العقلية، قدرتك المادية…
- إذا اجتمعوا فيك الشروط و قاضي الوصاية حكم أنك يجوز لك التكفل بالطفل، فهنا كايعطي الأمر باش أنك تاخد الرخصة أنك تتكفل بالطفل المتخلى عنه
مراقبات و متابعات في إطار عملية الكفالة
قاضي الوصاية كايبقا متبع و مراقب وضعية الطفل المتبنى بالكفالة. هاد القاضي كايكون طبعًا تابع للمنطقة لي كايسكن فيها الشخص المتكفل و المتكفل به، و الغرض وراء هذه المراقبة هو الاطمئنان على وضع الطفل و التأكد أن المتكفِّل قاد بالمسؤولية و يفي بالإلتزامات الملقاة على عاتقه.
السكن خارج المغرب
هنا ضروري خاص الموافقة ديال قاضي الوصاية باش أن الطفل يغادر المغرب إلى بلد آخر و يعيش فيه. القاضي خاصو يتأكد أنه توجد شراكة مع البلد الآخر و أن وضعية الطفل فيه غاتكون قانونية و أن شروط الكفالة ستحترم كاملة.
المراقبة و المتابعة تسند من بعد للقنصلية المغربية لي كاينة فداك البلد.
أسباب توقف الكفالة
الكفالة يمكن توقف للأسباب التالية:
- وصول الطفل إلى سن الرشد القانوني، و هاد السن يمكن نزيدوه في حالة الفتاة الغير متزوجة و الشخص المعاق
- موت الطفل المتبنى بالكفالة
- موت كلا الأبوين أو الشخص لي طلب الكفالة
- العجز المشترك بين الزوجين المسؤولين عن الكفالة
- عجز المرأة المسؤولة عن الكفالة
- إلغاء الكفالة بأمر من المحكمة في حالة عدم احترام الشخص المتكفل بالشروط المنصوصة.
النص القانوني رقم 01-15 المتعلق الأطفال المتخلى عنهم عن طريق الكفالة. يمكن لكم تقراو عدة شروحات بخصوص الكفالة و أسسها في المقال هذا.