عودة الدورة الشهرية

العودة للفوطة الصحية كانقصدوا بها أول دورة شهرية كاتجي للسيدة بعد الولادة بأسابيع قليلة. بذرة الحياة جات تتكلم لكم على هذه المرحلة.

عودة الدورة الشهرية بعد مرحلة النفاس

في فترة الحمل، السيدة كاتنقاطع عليها الدورة الشهرية. لكن بعد الولادة سواءً كانت طبيعية أو بعملية قيصرية فالسيدة كاتفقد بعض الدم تمامًا بحال وقت الدورة الشهرية. لكن هاد الدم هو فقط دم النفاس فين تكون و عاش الجنين خلال تسع شهور، كايقوم الجسم بالطرد ديالو بشكل تلقائي. و خروج هاد الدم ممكن يدوم عدة أيام و كايلزم على المرأة فهاد الوقت تلبس فوط صحية سميكة و ذاتامتصاص عالي.

عند نهاية الأسبوع الثاني بعد الولادة، يمكن المرأة تفقد الدم بشكل كبير و لي يمكن يخليها تظن أنها الدورة الشهرية رجعات، و هذا خطأ! فهو فقط خروج دم النفاس و لي كايدل على نهاية تلك المرحلة.

عودة الدورة الشهرية

• متى ؟

أول دورة شهرية بعد الولادة كاتجي للسيدة بعد مرور 6 إلى 8 أسابيع بالنسبة للأم لي ماكاترضعش. أما بالنسبة للأم المرضعة فالدورة الشهرية ممكن تتأخر حتال 3 شهور بعد الولادة أو أكثر على حساب جسم كل سيدة. الدورة الأولى و الثانية بعد الولادة ممكن يتعطلوا من حيث الطول و الإنتظام قبل ما يرجعوا للحالة الطبيعية و هادشي طبعًا راه عادي لأن الرحم كايكون مضطرب و كايحاول يرجع للنظام ديالو.

• كيف؟

أول دورة شهرية بعد الولادة عادة ما كاتكون طويلة و كاتميز بنزيف دموي كبير مقارنة بشنو كنتي كاتعيشي. و بعض النساء كايلاحظو غياب الألم هاد المرة، و لكن كايبقى الأمر نسبي و كل سيدة وكيفاش الجسم ديالها كايشتغل، ديري قدامك كل الإحتمالات لأنه انت ما عارفاش كيفاش جسمك ممكن يعبر على نفسه. حاولي تناقشي هاد الأمور مع الطبيب ديالك خلال زياراتك ليه بعد الولادة.

• شنو ممكن نستعمل بالنسبة للنظافة و الحماية؟

من الأفضل أن السيدات تستعمل الفوطات الصحية القطنية السميكة لي كاتمتص البلل مزيان و تفاداو بشكل كلي السدادات القطنية سواءً في مرحلة النفاس أو عند الدورة الشهرية لأنها ممكن تسببلكم في التهابات خاصة إذا السيدة ولدات بفتح جراحي في مدخل الفرج.

الدورة الشهرية مازال غايبة عليك؟ انتبهي ممكن يحدث حمل

بالرغم من غياب الدورة الشهرية فممكن تحملي، لأن الإباضة ممكن تحدث في 15 إلى 20 يوم بعد الولادة. إذا كنت كاترضعي الرضاعة الطبيعية، فالإباضة غالباً لا تحدث، و لكن، كلشي ممكن و فأيوقت ممكن تحملي.

على أي حال، إذا كنت لا ترغبين في الحمل مرة أخرى مباشرة فمن الأفضل أنك تاخدي حبوب منع الحمل بمجرد ما تولدي و ترجعي لدارك. بالنسبة للسيدات لي كايرضعوا فالطبيب كايقترح عليهمحبوب منع الحمل بجرعة صغيرة و لا تحتوي على هرمون الأستروجين. ريتما تسالي مرحلة الرضاعة أو بينما يجي الوقت لي الرحم ديالك يرتاح و يرجع للحالة ديالو الطبيعية باش تزرعي فيه اللولب،ممكن تستعملي العازل الطبي لأنه هو أيضًا كايبقى حل فعال للوقاية.