نوم الرضيع
نوم الرضيع غالبًا ما كايكون هو الشغل الشاغل ديال معظم الآباء الجدد. كيفاش نقدر نعسوه؟ شحال ديال الوقت لازم ينعس؟ في أي عمر يقدر يبدا ينعس بوحدو؟
هاد الأسطر و الفقرات الماجية هما أجوبة على كل هاد التساؤلات.
النوم السليم كانقدرو نعتابروه من بين مؤشرات الصحة الجيدة. إذن خاصنا نعرفو أنه النوم هو ضروري و أساسي و حيوي للطفل الرضيع، هو لي كايساعدو على النمو، تطوير مهاراته العقلية و استرجاع الطاقة ديالو لي استنزفها خلال اليوم.
شحال محتاج الرضيع ديالي من ساعة ديال النوم في اليوم ؟
بما أن الأطفال مختالفين و متميزين عن بعضهم، فكاين لي نعااس و كاين لي ساعات قليلة كافينو باش يكون فكامل حيويتو و نشاطو. إذن هنا نمط و ساعات النوم كيختالفو من رضيع لآخر و من عمُر لآخر.
الرضع الحديثي الولادة : من الإزدياد إلى 3 أشهر
الحديث الولادة كاينعس على حسب احتياجاتو، لا فرق له بين الليل و النهار حيت الساعة البيولوجية ديالو مازال ما تحققات.
في المتوسط، رضيع من 0 إلى 3 أشهر يقدر ينعس من 14 حتال 18 ساعة في اليوم، كيفما كاين رضع آخرين كاينعسو حتال 20 ساعة فهاد الأشهر الأولى، و كايفيقو مرة مرة غير من أجل التغذية فقط.
متى سينضبط نوم الرضيع و خاصة في الليل ؟
عامة نوم الرضيع كايكون متقطع، 2 حتال 4 ساعات متواصلة على الأكثر ثم كايفيق من أجل الرضاعة أو الشرب. ما كايبدا الرضيع يفرق بين الليل و النهار ختى كاتولي فالعمر ديالو 8 حتال 10 الأسابيع. و هنا كايقدر يبدا ينعس 5 أو 6 ساعات بدون انقطاع و بدون رضاعة خلال الليل.
النوم بين 3 إلى 6 أشهر:
في هذه الفترة من العمر، الرضيع كايبدا يتأقلم مع اختلاف الليل و النهار، كاينعس من 12 حتال 15 ساعة في اليوم لي كاتمنحو الطاقة الكافية باش يصبر بين فترات الرضاعة. (مانساوش أنه راه عادي جدا إلى كان الرضيع كافيق بالليل يشرب أو يرضع)
النوم بين 6 إلى 12 شهر:
بين 6 و 12 شهر كايولي الرضيع قادر أنه يرجع ينعس بوحدو و بدون أي مساعدة. و لهذا فمن المستحب أنه يتوضع فمكان النوم ديالو الخاص و هو مازال مانعس تماما.
و في سن الواحدة تقريبا، كايبداو معظم الأطفال ينعسو من 11 حتال 14 ساعة في اليوم مقسمة كالتالي: 10 حتال 12 ساعة في الليل، زائد القيلولة ديال الصباح والعشية.
كيف يمكنني مساعدة طفلي على أن ينام جيدًا و بطريقة سليمة ؟
يمكن لي نحسن نوم الطفل ديالي بعدة طرق:
- نختار ليه وضعية نوم مريحة و كايبقا الإستلقاء على الظهر هو الأأمن و الأفضل.
- مانفيقوش من النعاس من أجل الرضاعة أو الشرب، فالطفل غادي يفيق طبيعيا إلى حس بالجوع أو العطش.
- نحرص على الراحة ديالو : تغيير الحفاظات، ضمان الصمت و الهدوء خلال نومه و الإنتباه لحرارة الغرفة و الملابس لي كانخصص ليه لكل فصل.
- تعزيز القماط بغطاء خفيف و رطب لأنه كايخليه يشعر بنفس الأجواء لي كان فيها و هو باقي في أحشاء أمه.
لمزيد من المعلومات و التوضيحات، المرجو الإتصال بنا نحن رهن الإشارة.